Лондоннинг «Челси» клуби Гранит Жака трансфери борасида «Сандерленд» билан олиб борилаётган музокараларни тўхтатиш ниятида эмас.

Инсайдер Фабрицио Романонинг хабар беришича, «Челси» шу ҳафтада 33 ёшли футболчининг трансфери бўйича музокараларни давом эттиради ва боши берк кўчага кириб қолган жараённи олдинга суришга ҳаракат қилади. Аввалроқ «кўклар» Жака учун 9,3 миллион евро таклиф қилишган эди, бироқ бу маблағ етарли бўлмади. Шундай бўлса-да, футболчининг ўзи трансфер амалга ошишини талаб қилмоқда, чунки у яна Хаби Алонсо қўл остида фаолият юритишни истайди.

Маълумот учун, Жака ўтган ёздан буён «Сандерленд» шарафини ҳимоя қилиб келмоқда. Жамоа таркибида швейцариялик ярим ҳимоячи барча мусобақаларда 36 та учрашувда майдонга тушди, 1 та гол урди ва 6 та голли узатмани амалга оширди.