Бельгия терма жамоаси Жаҳон чемпионатининг 1/16 финал баҳсида Сенегал миллий терма жамоаси устидан иродали ғалабани қўлга киритди. Ушбу натижа ҳақида «қизил иблислар»нинг юлдузли дарвозабони Тибо Куртуа ўз фикрини билдирди.
«Биз жуда қийин баҳсни ўтказдик. Учрашув давомида 0:2 ҳисобида мағлуб бўлаётган эдик, аммо ўзимизга ишонишда давом этдик. Битта гол майдонда кўп нарсани ўзгартириб юбориши мумкин. Бу сафар ҳаммаси бизнинг фойдамизга ҳал бўлди. Жамоам билан фахрланаман», — дея дарвозабоннинг сўзларини ФИФА матбуот хизмати келтирмоқда.
Эслатиб ўтамиз, бельгияликлар қўшимча вақтларда 3:2 ҳисобида ғалаба қозонишди. Жаҳон чемпионатининг 1/8 финалида Руди Гарсия шогирдлари АҚШ терма жамоаси билан тўқнаш келишади.
