УЕФА тасарруфида ўтказиладиган мусобақаларда рақиби билан баҳсли вазиятда мулоқот қилаётганда оғзини қўли билан ёпган футболчилар қизил карточка билан четлатилмайди. Бу ҳақда The Athletic хабар берди.
Манба маълумотига кўра, УЕФА аъзо ассоциацияларга ФИФА жорий қилган ушбу қоидани қабул қилмаслигини маълум қилган. Бунинг ўрнига ҳакамларга бундай ҳолатларда вазиятни янада синчковлик билан баҳолаш тавсия этилган.
Шу билан бирга, ташкилот таъкидлашича, агар футболчи рақиби билан бўлган мулоқотини атайлаб яширишга уринса ва бу "спортга хос бўлмаган ҳаракат" сифатида баҳоланса, унга сариқ карточка кўрсатилиши лозим.
Эслатиб ўтамиз, 2026 йилги жаҳон чемпионатида ушбу қоида асосида Парагвай терма жамоаси футболчиси Мигель Альмирон ҳамда Эквадор терма жамоаси ҳимоячиси Пьеро Инкапье қизил карточка олиб майдондан четлатилган эди.













