«Фиорентина» таркибни кучайтириш устида иш олиб боришни давом эттирмоқда ва «Сассуоло» ярим ҳимоячиси Кристиан Торстведтни сотиб олиш ниятида. Бу ҳақда Football Italia нашри хабар бермоқда.

Манбанинг берган маълумотига кўра, жума куни икки клуб вакиллари учрашув ўтказишади ва унда 27 ёшли норвегиялик футболчининг эҳтимолий трансферини муҳокама қилишади. Аввалроқ флоренцияликлар спорт директори Фабио Паратичи футболчининг агенти билан шахсий шартнома шартлари бўйича музокаралар ўтказиб бўлган.

«Сассуоло» Торстведтни тахминан 15 миллион еврога баҳоламоқда. Шу билан бирга, «Фиорентина» трансфер қийматини пасайтириш мақсадида келишувга «Болонья»даги ижарадан қайтган ярим ҳимоячи Симон Сомани қўшишни режалаштиряпти.

Торстведт айни пайтда Норвегия терма жамоаси ихтиёрида бўлиб турибди. Жамоа Жаҳон чемпионатининг 1/8 финали доирасида Бразилияга қарши кечадиган баҳсга тайёргарлик кўрмоқда. Якунланган мавсумда хавбек 33 та ўйинда майдонга тушиб, 4 та гол урди ва 4 та голли узатмани амалга оширди.

Италия клубидан ташқари, футболчига Туркиянинг «Бешикташ» клуби ҳам қизиқиш билдирмоқда.