Криштиану Роналдунинг опаси Катя Авейру португалиялик юлдуз ҳужумчи ҳақида ўз фикрларини билдириб ўтди. Аввалроқ у Роналду ЖЧ-2026дан сўнг миллий терма жамоадаги фаолиятини якунлашини маълум қилган эди.

«Футболни севадиган ҳар қандай ақлли инсон Роналдуни яхши кўриши керак. Уни ёмон кўрадиганлар якунда фақат ўзлари ютқазишади. У 20 йилдан ортиқ вақтдан бери футболда ҳукмронлик қилиб келмоқда. Биз — Авейру оиласи ҳозир қаердамиз-у, фаолиятимизни қаердан бошлаганимизга бир қаранг. Онам қандай азоб-уқубатларни бошдан кечирганига эътибор қаратинг… Сизнингча, танқидлар бизнинг бахтимизга таъсир қила оладими? Ҳеч қачон!» — дея Авейрунинг сўзларидан иқтибос келтиради Marca нашри.

3 июль куни Португалия терма жамоаси ЖЧ-2026нинг 1/16 финалида Хорватия билан тўқнаш келади. Роналду ушбу учрашувнинг бошланғич таркибидан жой олди.

Португалияликлар «К» гуруҳида Ўзбекистон терма жамоасини мағлуб этиб (5:0), Конго ДР (1:1) ва Колумбия (0:0) билан дуранг ўйнаган ҳолда иккинчи ўринни эгаллашган эди.