Гана терма жамоаси бош мураббийи Карлуш Кейруш Жаҳон чемпионати — 2026 плей-офф босқичининг илк раундида Колумбия терма жамоасига қарши кечган баҳс ҳақидаги таассуротлари билан ўртоқлашди. Африкаликлар 0:1 ҳисобида минимал мағлубиятга учраб, турнирни тарк этишди.
«Рақибларимиз ўйинни ўз назоратида ушлаб туришди. Уларда тўп узатишлар ва майдондаги ҳаракатланиш яхшироқ чиқди. Биз Колумбия дарвозаси олдида вазиятлар яратишга ҳаракат қилдик, бироқ сўнгги пасни беришда аниқлик етишмади. Ўйлайманки, якунда кучлироқ бўлган жамоа ғалаба қозонди», — дея мутахассиснинг сўзларини ФИФА матбуот хизмати келтиради.
Жаҳон чемпионатининг кейинги раундида (1/8 финалда) Колумбия терма жамоасига Швейцария миллий терма жамоаси рақиблик қилади.
