Бразилиядаги “Апаресиденсе” жамоасининг массажчиси ўз жамоаси дарвозасини икки бора голдан қутқариб қолди.

“Тупи” футболчисининг яқин масофадан туриб “Апаресиденсе” дарвозасига берган зарбасини дарвозабон қайтарди, дарвозабондан қайтган тўпга яна берилган зарбани эса жамоа массажчиси тўсиб, ундан кейин берилган учинчи зарбани майдон ташқарисига чиқариб юборди.

“Тупи” футболчилари “Апаресиденсе”нинг “ўн иккинчи” ўйинчисини қувишга тушиб кетишгани сабабли, ўйин 20 дақиқага тўхтатиб қўйилган. Лекин, шундан кейин ҳам ўйин давом эттирилмай, 2:2 – дуранг натижа билан якунланади.

Бу ҳисоб “Апаресиденсе”ни тўлиқ қаноатлантирди – бегона майдондаги дуранг натижа жамоани чорак финал баҳсига олиб чиқди. Массажчи Ромилда Фонсека да Силва қилган иши ҳақида шундай дейди: “Фақатгина шу ҳаракатим жамоани кейинги босқичда ушлаб қолиши мумкин эди.” “Тупи” жамоаси расмийлари эса бу вазиятга “Бразилия футболи тарихидаги энг уятли вазият”, деб баҳо бермоқда.

Қуйидаги видеолавҳада вазиятни кўришингиз мумкин бўлади.