Марокаш терма жамоаси Канада терма жамоасини 3:0 ҳисобида мағлубиятга учратди. Учрашув шанба оқшомида Техасда, турнирнинг 1/8 финал босқичи доирасида бўлиб ўтди.
Канадаликлар турнирни тарк этишди, марокашликлар эса чорак финалда Франция терма жамоасига қарши майдонга тушишади. Шу тариқа, Марокаш футболчилари ўз тарихларида биринчи марта кетма-кет иккита Жаҳон чемпионатининг чорак финал босқичига йўлланма олишди.
Эслатиб ўтамиз, 2022 йили Қатарда ўтган Мундиалда марокашликлар ярим финалгача етиб бориб, у ерда Францияга имкониятни бой беришган, кейин эса учинчи ўрин учун баҳсда хорватларга мағлуб бўлишган эди. 2022 йилга қадар эса Марокаш терма жамоаси жаҳон биринчиликларида бор-йўғи бир марта — 1986 йилда гуруҳдан чиқа олган, холос.
