Испанияда яна Диего Симеоненинг шартномаси якунланганидан кейин Мадриднинг «Атлетико» клубидан кетиши мумкинлиги ҳақидаги гап-сўзлар авж олмоқда.
Аргентиналик мутахассиснинг амалдаги шартномаси бир йилдан сўнг якунига етади. Diario AS нашри берган маълумотларга кўра, томонларнинг ўзаро ҳамкорликни давом эттирмаслик эҳтимоли жуда юқори — бундай вазиятда бўлажак мавсум мутахассис учун «матрасчилар» бошқарувидаги охиргиси бўлади. Вазиятга мавсум давомида янада аниқлик киритилади.
Диего Симеоне 2011 йилнинг декабрь ойидан буён «Атлетико»ни бошқариб келмоқда. Ортда қолган мавсумда пойтахт жамоаси Ла Лига турнир жадвалида «Барселона», Мадриднинг «Реал» ва «Вильярреал» клубларини ўзидан олдинга ўтказиб юбориб, тўртинчи ўринда маррага етди.
