Австралия футбол федерацияси миллий терма жамоа жаҳон чемпионатини тарк этганидан кейин бош мураббий Тони Поповичга тўлиқ ишонч билдирди. Жамоа пенальтилар сериясида Мисрга имкониятни бой бериб, 1/16 финал босқичида мусобақадаги иштирокини якунлади.

«Бу кампания жуда муваффақиятли ўтди. Попович терма жамоани қабул қилиб олганида, вазият осон эмас эди. У жамоани турнирга тўғридан-тўғри олиб чиқди, шундан сўнг 11 та ғалабадан иборат серия қайд этилди, шунингдек, у таркиб кенглигини оширишга муваффақ бўлди. Жуда қийин гуруҳдан чиқиш ва жаҳон чемпионатининг плей-офф босқичига йўл олиш — бу улкан муваффақият», — деди Австралия футбол федерацияси бош ижроия директори Мартин Кугелер ESPN нашрига берган интервьюсида.

Попович ўз лавозимида фаолиятини давом эттиради ва австралияликларни 2027 йилда бўлиб ўтадиган Осиё Кубогига тайёрлайди. Жамоа ушбу турнирда биринчи ва охирги марта 11 йил аввал ғолиб чиққан эди.