«Бавария» ва Франция терма жамоаси ҳимоячиси Деотшанкюль Упамекано жамоадоши, Германия терма жамоаси ҳимоячиси Жонатан Та ЖЧ-2026 1/16 финалидан ўрин олган Парагвайга қарши ўйинда (1:1, пенальтилар бўйича — 3:4) пенальтини голга айлантира олмаганидан сўнг унинг шаънига билдирилган ирқчилик руҳидаги шарҳлар ҳақида гапирди.
«У билан алоқада бўлиб турибман. Ўйиндан кейин унга ёздим ва унинг жуда кучли инсон эканлигини биламан. У билан бир жамоада ўйнаётганимдан жуда хурсандман — унда ажойиб менталитет бор. Жонатан ўша пенальтини ўзи тепмоқчи бўлди, чунки у доим шундай руҳият билан ажралиб турган. У ҳам Германия терма жамоаси, ҳам «Бавария» учун жуда муҳим футболчи. Нега ҳалигача бундай одамлар борлигига тушунмайман — мен ирқчиликни қабул қила олмайман. Аммо у бунга чалғиб қолмаслиги керак. Шунчаки олдинга ҳаракат қилишда давом этиш ва бор кучини бериш лозим», — дея Юпамеканонинг сўзларини Sky Sport Germany журналисти Керри Хау келтирмоқда.
Жаҳон чемпионати — 2026 АҚШ, Мексика ва Канадада бўлиб ўтмоқда. Турнир 11 июнда бошланган бўлиб, 19 июлда якунига етади. Амалдаги жаҳон чемпиони Аргентина терма жамоаси ҳисобланади.
