Австралия футбол федерацияси миллий терма жамоа 2026 йилги Жаҳон чемпионатини тарк этганидан сўнг, бош мураббий Тони Поповични қўллаб-қувватлашини маълум қилди. 1/16 финал учрашувида Австралия Миср терма жамоасига 1:1 (пенальтилар сериясида 2:4) ҳисобида имкониятни бой бериб, турнирдаги иштирокини якунлаган эди.

«Биз, албатта, натижадан мамнунмиз, лекин бизда ҳар доим бундан-да яхшироқ бўлиш учун салоҳият бор. Нималар қилдик, нималар қилишимиз керак эди, яна нималар қилиш мумкин эди — турли хил ечимлар устида бош қотиряпмиз. Бироқ бир нарсани аниқ айтиш мумкин: тахминан бир ярим йил олдин Тони Поповични мураббийлик постига таклиф қилганимиздан фахрланамиз. У миллий терма жамоаларимиз стандартларини нафақат майдонда, балки ундан ташқарида ҳам элита даражасига олиб чиқди.

Жаҳон чемпионати бошланишига бир кун қолганида Тони Попович билан шартномани узайтирдик, чунки биз ўзига хос вазиятда қолган эдик: кейинги йирик турнир — Осиё Кубогига бор-йўғи ярим йил вақт қолди. Ўйинчилар ва мураббийлар штаби учун барқарорлик жуда муҳим ва мен ушбу қарор жамоанинг Осиё Кубоги арафасида ўсишга эришишига ёрдам беришига аминман», — дея Австралия футбол федерацияси директори Мартин Кугелернинг сўзларини келтиради ESPN нашри.