Бир неча кун олдин италиялик ярим ҳимоячи Сандро Тонали «Ньюкасл»дан «Тоттенхэм»га кўчиб ўтган эди, бироқ ҳанузгача бу борада расмий баёнот берилгани йўқ.
Таниқли журналист Пол О'Киф «Тоттенхэм» мухлисларини хотиржамликка чақирди. Унинг маълумотларига кўра, трансфер билан боғлиқ ҳеч қандай муаммо йўқ. Келишув тўлиқ якунланган. Бироқ «Ньюкасл» «шпорлар»дан расмий эълонни бир оз кечиктириб туришни сўраган. Кечикишнинг асл сабаби айнан мана шунда.
Аввалроқ Тонали пойтахт клуби билан 2032 йилгача мўлжалланган меҳнат шартномасини имзолагани маълум бўлган эди. Миш-мишларга ишонадиган бўлсак, келишув суммаси 117 миллион еврони ташкил этган ва бу «Тоттенхэм» тарихидаги рекорд трансферга айланган.
