Мексика терма жамоаси бош мураббийи Хавьер Агирре Жаҳон чемпионати 1/8 финалидан ўрин олган Англияга қарши ўйиндан кутаётган умидлари билан ўртоқлашди.

«Харри Кейн — бу жаҳон футболи рамзи. Унинг «Тоттенхэм», «Бавария» ёки ўз миллий терма жамоаси сафида урган голлари — юқори савияли футболчининг кўрсаткичидир. Унинг бўйи 1,88 метрни ташкил этади ва бундай катта гавдага эга бўлишига қарамай, оёқлари билан ишлашда ажойиб техникага эга. У ҳавода ҳам яхши ўйнайди, унда мутлақо ҳамма нарса мужассам. У меҳнаткаш, ҳимояга ҳам ёрдам беради, у — сардор. У ҳақида яна нима ҳам дейишим мумкин?

Биз Харри Кейнни нафақат марказий ҳимоячилар, балки ярим ҳимоя ва қанот ҳимоячилари кучи билан ҳам зарарсизлантиришга ҳаракат қиламиз. У тўпни қабул қилиш учун орқароққа тушганда ўзини майдонда қулай ҳис қилмаслиги учун бор кучимизни ишга соламиз. Унга ижодкорлик қилишга йўл қўймаслик учун доимо кимдир «ёпишиб» ўйнашини таъминлашга ҳаракат қиламиз», — дея Агирренинг сўзларидан иқтибос келтиради The Sun нашри.