«Челси» клубининг собиқ футболчиси Гаэль Какута 35 ёшида фаолиятини якунлаганини эълон қилди.

«Ёш ўтаётганига қулоқ солиш ва ҳар бир нарсанинг ўз ниҳояси борлигини тан олиш керак бўлган пайт келади. Ҳозир фаолиятимни якунлаганимни эълон қилмоқчиман. Менинг йўлимда учраган барчага: оиламга, яқинларимга, мураббийларимга, жамоадошларимга, раҳбарларга, мухлисларга ва менга ишонган барча инсонларга миннатдорчилик билдираман», — деб ёзди Какута ижтимоий тармоқларда.

Гаэль Какута фаолияти давомида бир қатор таниқли клубларда, жумладан, «Челси», «Фулхэм», «Лацио», «Севилья», «Райо Вальекано», «Ланс» ва бошқа жамоаларда тўп сурган. У «Челси» сафида 2009/10 йилги мавсумда Англия чемпиони ва ўша мавсумда Англия Кубоги соҳибига айланган. Шунингдек, Какута Франция терма жамоаси билан 19 ёшгача бўлган футболчилар ўртасида Европа чемпиони бўлган ва турнирнинг энг яхши футболчиси деб топилган.