«Атлетик Бильбао» ва Испания терма жамоаси ҳужумчиси Нико Уильямс ўтган мавсумда дуч келган қийинчиликлари ҳақида гапириб берди.
«Менда футболчи учун жуда зарарли бўлган одатлар бор эди — ҳам овқатланиш, ҳам ухлаш режими борасида. Илгари клуб базасидан кетардим ва бошқа машқ қилмасдим, ҳозир эса бунга кўпроқ эътибор қаратяпман. Олдин куннинг иккинчи ярмини қайлиғим, дўстларим билан ўтказардим. Ҳозир ҳаммаси бошқача. Онам, қайлиғим, уч нафар дўстим ва акам — мени энг кўп қўллаб-қувватлаган инсонлар шулар бўлди. Бу ҳолат мен билан кейинроқ эмас, балки 23 ёшимда содир бўлгани яхшироқ бўлди. Бу жуда оғир йил бўлди», — дея Уильямснинг сўзларини келтиради Mundo Deportivo.
ЖЧ-2026 нинг 1/8 финали доирасида Испания бугун, 6 июль куни Португалия терма жамоаси билан тўқнаш келади.
