«Тоттенхэм»нинг янги аъзоси Сандро Тонали «Ньюкасл»дан лондонликлар сафига ўтгани ҳақида ўз фикрлари билан ўртоқлашди. Бундан олдин «шпорлар» матбуот хизмати 26 ёшли футболчининг трансферини расман эълон қилган эди.

«Бу ерда эканимдан жуда хурсандман. Бугун бу ерга келганимда узоқ вақт давомида ажойиб туйғуларни ҳис қилдим. Бош мураббий билан деярли икки соат давомида клуб, мухлислар, стадион ва ўйин услубимиз ҳақида гаплашдик. Бу худди эртакка ўхшарди. «Тоттенхэм» билан шартнома имзолашим кераклигини дарҳол англаб етдим. Илгари «Тоттенхэм»га қарши бир неча бор ўйнаганман ва стадиондаги ажойиб муҳитни доим ҳис қилганман. Мавсум бошланишини интиқлик билан кутяпман», — дея Тоналининг сўзларини келтиради клуб матбуот хизмати.

Ўтган мавсум якунларига кўра, «Тоттенхэм» Англия Премьер-лигаси турнир жадвалида 17-ўринни эгаллаб, элитада қолишни уддалаган эди.