«Ливерпуль»нинг собиқ бош мураббийи Арне Слот Нидерландия миллий терма жамоасининг янги устозига айланиши мумкин.
Журналист Флориан Плеттенбергнинг хабар беришича, Слот Рональд Куманнинг истеъфосидан сўнг Нидерландия терма жамоаси бош мураббийлигига номзодлардан бири бўлиб турибди. Қайд этилишича, томонлар аллақачон дастлабки музокараларни ўтказишган, бироқ Нидерландия терма жамоасининг шорт-листидан (номзодлар рўйхатидан) бошқа мураббийларнинг исм-шарифлари ҳам жой олган.
Нидерландия терма жамоаси Жаҳон чемпионати — 2026да муваффақиятсизликка учради. Куман бошчилигидаги жамоа 1/16 финалда Марокашга имкониятни бой бериб, мундиални тарк этди.
63 ёшли Куман терма жамоада 2023 йилдан буён ишлаб келаётган эди. Бу унинг жамоадаги иккинчи бор иш бошлаши эди.
