Бельгия қироллик футбол ассоциацияси АҚШ терма жамоаси ҳужумчиси Фоларин Балогуннинг дисквалификацияси қолдирилгани юзасидан Спорт арбитраж судига (CAS) мурожаат қилиши мумкин.
Балогун ЖЧ-2026 1/16 финалидан ўрин олган Босния ва Герцеговинага қарши ўйинда (2:0) Тарик Муҳаремовичнинг тўпиғини босиб юборгани учун тўғридан-тўғри қизил карточка олган эди. Кейинчалик, футболчининг бир ўйинлик дисквалификацияси бир йиллик синов муддати билан тўхтатиб турилди. Бунинг натижасида ҳужумчи 1/8 финалда Бельгияга қарши майдонга туша оладиган бўлди.
Хабар қилинишича, АҚШ Президенти Дональд Трамп ФИФА президенти Жанни Инфантинога икки марта — Балогун майдондан четлатилганидан сўнг ва дисквалификация тўхтатиб турилганидан кейин қўнғироқ қилган.
Бельгия қироллик футбол ассоциацияси ФИФАнинг ушбу қароридан «шока тушганини» ва «кейинги ҳаракатлар учун барча мумкин бўлган вариантларни» ўрганаётганини маълум қилди.
«The Telegraph» нашрининг ёзишича, Бельгия судга даъво аризаси киритиш имкониятларини кўриб чиқмоқда ва иш жараёнини Спорт арбитраж судига (CAS) ошириши мумкин.
