Бундан олдинроқ «Манчестер Юнайтед» клуби «Челси» ярим ҳимоячиси Андрей Сантоснинг хизматларига қизиқиш билдираётгани ҳақида хабарлар тарқалган эди.

Нуфузли манба футболчининг ушбу эҳтимолий трансфер борасидаги шахсий позициясини ошкор қилди. Унга кўра, Сантос «Юнайтед»нинг таклифини қабул қилишга тайёр. Ярим ҳимоячи майдонда кўпроқ ўйин амалиётига эга бўлишни истайди ва «Челси»нинг ҳозирги таркибида рақобатда ғолиб чиқиш унга жуда қийин бўлишини тушуниб турибди. Лондон клуби эса ўз футболчисини 50 миллион фунт стерлингга баҳоламоқда.

Андрей Сантос шу вақтга қадар «Челси» сафида жами 47 та учрашувда майдонга тушган. Ушбу баҳсларда ярим ҳимоячи «гол+пас» тизимида 8 очко (3 та гол ва 5 та голли узатма) тўплашга муваффақ бўлган.