Португалия терма жамоаси бош мураббийи Роберто Мартинес Испанияга қарши ўйинда нима учун Криштиану Роналдуни алмаштирмаганини тушунтириб берди. Португалия Испанияга 0:1 ҳисобида имкониятни бой берди ва ЖЧ-2026нинг 1/8 финал босқичида турнирни тарк этди.

— Криштиану Роналдунинг ўрнига Гонсалу Рамушни майдонга туширмаганингиз учун танқидлар бўлиши табиий

"Бу жуда юзаки таҳлил. Жисмоний томонлама Криштиану 90 дақиқа ўйнашга тўлиқ қодир эди. У бўш ҳудудлар яратади, мослашади. Бундай футболчи жуда муҳим. Эҳтимол, Гонсалу Рамуш қўшимча бўлимларда фойдали бўлиши мумкин эди, аммо бу ўйиндаги стратегиямиз бошқача эди. Биз Испания ҳужумини тийиб туришимиз керак эди ва ҳужумчиларни алмаштиришдан мазмун йўқ эди.

Рафаэл Леау Хорватия билан ўйинда энг яхши футболчимиз бўлганди, у анчадан бери охирги марта 90 дақиқа ўйнаганди, шу сабабли уни асраш керак эди. Бу танқидлар билан боғлиқ эмас. Мен самарадорликдан умуман хафа эмасман. Биз финалгача боришни истагандик ва мен бу жамоа билан жуда фахрланаман. Биз фаворитлардан бирига қарши ўйнадик ва вақти-вақти билан уларга муаммолар туғдирдик, аммо гол ура олмай, таваккал қилдик. Биз Франция, Испания, Германия билан ўйнадик, Миллатлар Лигасида ғолиб чиқдик. Мен қаерга қараб кетаётганимизга фахр билан қарайман. Бу сафар натижа биз кутгандек бўлмади, аммо бу турнирда шунақаси ҳам бўлиб туради", — деди Мартинес.