71 ёшли мутахассис Жорже Жезуш Португалия миллий терма жамоасининг янги бош мураббийига айланиши кутилмоқда.
А Бола нашри хабарига кўра, у Португалия футбол федерациясининг асосий номзоди ҳисобланади. Жезуш терма жамоани Евро–2028 ҳамда Португалияда бўлиб ўтадиган 2030-йилги жаҳон чемпионатига тайёрлаши режалаштирилган.
Қайд этилишича, мураббий аввалроқ Криштиану Роналду билан «Ан-Наср»да бирга ишлаган. 2025/26 йилги мавсумда жамоа мамлакат чемпионига айланган, шундан сўнг Жезуш клубни тарк этган. У ўшанда жамоани Роналдунинг «Ан-Наср» сафидаги илк совринини қўлга киритишига ёрдам бериш учун қабул қилганини айтганди.
Эслатиб ўтамиз, ЖЧ–2026 1/8 финалида Португалия Испания миллий терма жамоасига 0:1 ҳисобида мағлуб бўлгач, Роберто Мартинес уч йиллик фаолиятидан сўнг лавозимини тарк этишини эълон қилган эди.
