Аргентина терма жамоаси ҳужумчиси Лионель Месси ЖЧ-2026 1/8 финалидан ўрин олган Мисрга қарши ўйиннинг (3:2) энг яхши футболчиси деб топилди. Ушбу учрашувнинг 79-дақиқасигача Месси жамоаси 0:2 ҳисобида мағлуб бўлаётган эди. Баҳс Атлантадаги «Мерседес-Бенц Стэдиум» стадионида бўлиб ўтди. Учрашувни франциялик бош ҳакам Франсуа Летексье бошқариб борди.

Месси ўйинда битта гол ва битта голли узатмага муаллифлик қилди. Учрашувнинг биринчи бўлимида ҳужумчи пенальтидан унумли фойдалана олмаган эди.

Чорак финалда Аргентина Колумбия ёки Швейцария билан тўқнаш келади. Мессининг ЖЧ-2026 турниридаги голлари сони 8 тага етди ва у айни дамда мусобақа тўпурари бўлиб турибди. Шунингдек, аргентиналик юлдуз жаҳон чемпионатлари тарихидаги энг яхши ассистентга айланди.