Колумбия терма жамоаси бош мураббийи Нестор Лоренцо ЖЧ-2026 1/8 финалида Швейцария терма жамоасидан учралган мағлубиятга (0:0, пенальтилар бўйича — 3:4) изоҳ берди.

«Шубҳасиз, бизга гол етишмади. Бу жуда шиддатли, тактик ва тенг курашлар остидаги ўйин бўлишини билардик. Лекин ўйинга бўлган интилишимиз ва йўллаган зарбаларимизни ҳисобга олсак, 90 дақиқа ичида бироз кўпроғига лойиқ эдик деб ўйлайман. Бизда 15 та уриниш бўлди. Бу кўп, агар гол ура олмасанг, бунинг учун жавоб беришга тўғри келади. Бу ерда кимдирни айблаш ноўрин. Баъзида тўп дарвозага киради, баъзида эса йўқ», — дея Лоренцонинг сўзларидан иқтибос келтиради MSN.

ЖЧ-2026 чорак финалида Швейцария Аргентинага қарши майдонга тушади. Учрашув 12 июль куни Тошкент вақти билан соат 06:00 да бошланади.