Ҳимоячи Садибу Сане «Метц» клубидан «Монако»га ўтди. 22 ёшли сенегаллик футболчи 2031 йилгача мўлжалланган шартномага имзо чекди.

«Бўйи 1,84 метр бўлган ушбу ишончли ҳимоячи ўз ривожланишини «Монако»да давом эттиради. У монегасклар жамоаси манфаати учун ўзининг ҳимоявий фазилатлари ҳамда ҳужумларни бошлаш қобилиятидан фойдаланган ҳолда, ўзига яхши таниш бўлган лигада тўп суради», — деб ёзади клуб матбуот хизмати.

Сане 2025/26 йилги мавсумда Франция чемпионатининг 23 та учрашувида майдонга тушиб, 2 та гол урди ва 1 та голли узатмани амалга оширди. Шунингдек, унинг ҳисобида 5 та сариқ ва 2 та қизил карточка бор.