Швейцария терма жамоаси сардори Гранит Жака ЖЧ-2026 1/8 финали доирасида Колумбия устидан қозонилган ғалаба (0:0, пенальтилар бўйича — 4:3) ҳақида фикр билдирди.

«Менимча, терма жамоамизнинг ҳозирги авлоди — алоҳида ажралиб туради. Умид қиламанки, қачондир яна шундай авлод етишиб чиқади, аммо биз бундай жамоани жуда узоқ кутдик. Биз, тажрибалироқ футболчилар, ёшлар томонидан бўлаётган босимни ҳис қилиб турибмиз ва шу билан бирга, ҳар куни, ҳар бир ўйинда уларга ўрнак бўлишимиз керак. Албатта, ўз тажрибамизни улашишга ҳаракат қиляпмиз, лекин биринчи навбатда — менталитетни шакллантириш лозим. Яъни, ҳатто кичик мамлакат бўла туриб ҳам, бундай юқори даражада, элита футболида ҳамма нарсанинг иложи борлигини кўрсатиш муҳим. Мураббийлар штабидан тортиб энг сўнгги футболчигача — барчамиз эришган натижамиз билан фахрлансак арзийди», — дея Жаканинг сўзларидан иқтибос келтиради ФИФА расмий сайти.