"Ливерпуль" ва "Челси" жамоаларининг собиқ бош мураббийи Рафаэль Бенитес Хаби Алонсонинг "кўклар" устози этиб тайинланиши ҳақидаги ўз фикрлари билан ўртоқлашди.
"Алонсо жуда ақлли, менимча, у интеллектуал мутахассис, унинг ишга ёндашуви жуда яхши. Мен у "Реал Сосьедад" захира жамоасини бошқарганидаёқ уни кузатиб борганман, унинг шу қадар яхши натижа кўрсатгани кутилмаган ҳол бўлганди, шунингдек, у "Байер"да ҳам ажойиб фаолият олиб борди.
"Реал"га ўтганида кўпчилик уни мураббийлик фаолияти бўйича мен билан солиштирганди, лекин "Реал" — бу мутлақо бошқача муҳит. Бу ерда гап фақат кийиниш хонаси ҳақида эмас, ҳаммаси раҳбариятга боғлиқ. Менимча, Алонсо раҳбарият томонидан ўзига керакли бўлган қўллаб-қувватлашни олмади ва шу сабабли, ишонаманки, "Челси" унинг салоҳиятини англаб етмоқда. Агар улар уни қўллаб-қувватлашса, ўйлайманки, у "Челси"да муваффақиятга эришади", — дея Бенитес сўзларидан иқтибос келтиради talkSPORT.
Эслатиб ўтамиз, Хаби Алонсо футболчилик фаолияти даврида "Ливерпуль" сафида Рафаэль Бенитес қўл остида тўп сурган.
