«Челси» ярим ҳимоячиси Жесси Дерри фаолиятини Португалияда давом эттириши мумкин.
Sky Sports хабарига кўра, 19 ёшли футболчи 2026/27 йилги мавсум охиригача «Спортинг»га ижара асосида ўтишга яқин турибди. Яқин вақт ичида хавбек Португалия клубида тиббий кўрикдан ўтиш учун Лиссабонга йўл олади. Кўплаб Европа клублари Деррини ўз сафига қўшиб олишга қизиқиш билдирган бўлса-да, у айнан «Спортинг»ни танлади.
Жесси Дерри «Челси»га «Кристал Пэлас»дан номаълум суммага ўтган эди. Унинг «кўклар» билан шартномаси 2032 йилнинг 30 июнига қадар мўлжалланган. Ярим ҳимоячи Лондон клуби сафида жами учта расмий ўйинда майдонга тушиб, самарали ҳаракатлари билан ажралиб турмади.
