Бельгия терма жамоаси дарвозабони Тибо Куртуа миллий жамоадаги келажаги ҳақида фикр билдирди.
Ўтган ҳафтада 34 ёшли футболчи жаҳон чемпионатларида энг кўп ўйин ўтказган бельгиялик футболчи сифатида рекорд ўрнатди (20 та ўйин). «Реал» голкиперидан бундан олдин ЖЧ-2026 дан кейин терма жамоадаги фаолиятини якунлаши мумкинлигига шама қилгани ҳақида сўрашди.
«Мен фақат давом эттиришдан кўра, фаолиятимни якунлаш эҳтимолим юқори эканлигини айтдим ва бу фақатгина жисмоний ҳолатим билан боғлиқ.
Шуни таъкидлашим керакки, жамоада жуда ажойиб муҳит ва ўзаро тушуниш ҳукм сурмоқда, мен бу жараёндан завқ оляпман. Ушбу турнирда бошимиздан кечирган лаҳзаларимиз бетакрордир... Аммо яна тўрт йил давомида худди шундай суръатда давом эта олишимга кўзим етмайди», — деди Куртуа.
