Швейцария терма жамоаси сафида тўп сурадиган «Интер» марказий ҳимоячиси Мануэль Аканжи ўз жамоасининг 2026-йилги Жаҳон чемпионати ярим финалига чиқиш имкониятлари ҳақида ўз фикрлари билан ўртоқлашди.
Швейцарияликлар мундиалнинг 1/8 финалида Колумбияни мағлуб этишга муваффақ бўлишди. Энди Мурат Якин шогирдларини жиддий рақиб – Аргентина терма жамоаси кутиб турибди.
«Бу жуда катта синов, лекин мен биз ушбу ўйинга тайёрмиз ва исталган рақиб билан тенгма-тенг кураша оламиз деб ўйлайман. Биз ярим финалга чиқиш учун бор кучимизни ишга солишга аҳд қилганмиз. Биз улкан меҳнат қилдик. Ўйлайманки, бу машаққатли меҳнат ўз самарасини беришни бошлади», — деб иқтибос келтиради ҳимоячи сўзларидан beIN Sports.
Аргентина – Швейцария чорак финал учрашуви 12-июл куни АҚШда бўлиб ўтади.
