Яқинда Лондоннинг «Челси» клуби бошқарувига келган испаниялик мутахассис Хаби Алонсо пайшанба, 9-июл куни бўлиб ўтган илк машғулотдан сўнг шогирдларининг салоҳиятини юқори баҳолади.
«Жамоанинг салоҳияти мени жуда илҳомлантирди. Бу ерда ишлаш, ўйин услубини шакллантириш, стадионга ҳиссиётларни қайтариш ва мухлислар билан алоқа ўрнатиш мумкин бўлган таркиб мавжуд», — дея Алонсонинг сўзларидан иқтибос келтиради клуб матбуот хизмати.
«Кўклар»нинг янги устози «Челси»да ишлаш у учун катта шараф ва синов эканлигини қўшимча қилди.
Леверкузеннинг «Байер» ва Мадриднинг «Реал» клублари собиқ мураббийи «Челси» бошқарувидаги дебютини 24-август куни Англия премьер-лигасида ўтказади. Янги мавсумнинг биринчи турида лондонликлар сафарда «Фулхэм»га қарши майдонга тушишади.
