Ёзда "Милан" бошқарувини қўлга олган португалиялик мутахассис Рубен Аморим мавсумолди тайёргарликнинг илк кунида ўз шогирдларига мурожаат қилди.
"Бугун сиз янги ишни бошлаяпсиз ва бу йўлнинг охирида ўзингиз билан фахрланишингиз учун сабабингиз бўлиши керак. Сизга керак бўладиган барча нарсада мен ёнингиздаман. Агар ўйинчилар билан бирор можаро келиб чиқса, ҳақ бўлсангиз, мен сизни доимо қўллаб-қувватлайман. Энди эса – ишга", - деди Аморим.
Италия чемпионатининг якунланган мавсумида миланликлар клуби турнир жадвалида 70 очко жамғариб, бешинчи ўринни эгаллаган эди. Бўлажак мавсумда "россонерилар" Европа Лигасида иштирок этишади.
Италия А Сериясининг янги мавсумига 22 август куни старт берилиши режалаштирилган.
