Санкт-Петербургнинг «Зенит» клуби собиқ футболчиси Владислав Радимовнинг маълум қилишича, ҳужумчи Криштиану Роналду Португалия миллий терма жамоаси сафида камида Евро-2028 мусобақасигача тўп суришни режалаштирмоқда.

Айни пайтда давом этаётган Жаҳон чемпионати–2026да 41 ёшли Роналду бешта учрашувда майдонга тушиб, учта гол урди. Португалия терма жамоаси 1/8 финалгача етиб борди ва ушбу босқичда Испанияга 0:1 ҳисобида мағлуб бўлди.

— Ҳамма Криштиану Роналду фаолиятини якунлади, деб гапиряпти. Биз яқинда Давид Трезеге билан учрашдик, у Португалия терма жамоасидаги кўплаб футболчиларни яхши танийди. Унинг айтишича, Португалия терма жамоаси футболчилари Роналду Евро-2028да ҳам жамоа сафида бўлишини айтмоқда, — деди Радимов.