Каталониянинг «Барселона» клуби футболчиси Жерар Мартин жамоадан кетган польшалик марказий ҳужумчи Роберт Левандовски ҳақида ўз фикрларини билдирди. Ҳужумчи фаолиятини МЛСда давом эттиради.
«Левандовскининг кетиши — оғир зарба. У жуда тажрибали футболчи. Роберт жамоага келганида, биз унчалик яхши даврни бошимиздан кечирмаётган эдик. Левандовски клубда бўлган вақт ичида бизга жуда кўп нарса берди. Уни соғинаман», — дея ҳимоячининг сўзларини келтиради Mundo Deportivo.
Аввалроқ польшалик тўпурар эркин агент сифатида «Чикаго Файр»га ўтгани маълум бўлганди.
Ла Лиганинг ўтган мавсумида 37 ёшли ҳужумчи 31 та ўйин ўтказиб, 14 та гол урди ва иккита голли узатмани амалга оширди.
