«Барселона» ва «ПСЖ» собиқ футболчиси Златан Ибраҳимович Зинедин Зиданнинг Франция терма жамоаси бош мураббийи этиб тайинланиши бўйича ўз фикрларини билдириб ўтди. «Реал»нинг собиқ устози яқин вақт ичида Дидье Дешамнинг ўрнини эгаллаши кутилмоқда.
«Зидан «Реал»да ажойиб иш олиб борди: у Чемпионлар лигасида учта титулни қўлга киритди. Ҳамма унинг Франция терма жамоасининг навбатдаги мураббийи бўлишини билади. Ўйлайманки, у шунчаки Дешам бошлаган ишни давом эттиради. Бундай жамоа учун футболчиларни танлаш қийин эмас», — дея Ибраҳимовичнинг сўзларини келтиради The Touchline.
Швециялик футболчининг фикрича, Зидан кўпроқ мураббий эмас, балки менежердир. Бироқ у айнан шундай мутахассислар бундай терма жамоалар учун жуда керакли эканини таъкидлади.
ЖЧ-2026 турнирида Франция терма жамоаси ярим финалгача етиб борди ва унда испанияликларга 0:2 ҳисобида имкониятни бой берди. Энди Дешам бошчилигидаги жамоани учинчи ўрин учун кечадиган баҳс кутиб турибди.
