Ҳужумчи Габриэл Мартинелли шу ёзда «Арсенал»ни тарк этиши мумкин.

Экрем Конур маълумотларига кўра, Лондон клуби ёзги трансфер ойнасида ўз футболчисини сотишга тайёр. Бразилиялик футболчини ўз сафига қўшиб олишга «Манчестер Юнайтед» жиддий қизиқиш билдирмоқда. «Қизил иблислар» яқин орада форварднинг трансфери бўйича таклиф билан чиқиши мумкин.

Габриэл Мартинелли 2019 йилда «Итуано»дан «Арсенал»га 7 миллион евро эвазига ўтган эди. Унинг Лондон клуби билан шартномаси 2027 йилнинг 30 июнигача мўлжалланган. 2025/26 йилги мавсумда бразилиялик футболчи «канонирлар» сафида барча турнирларда 53 та ўйин ўтказиб, 11 та гол урди ва 7 та голли узатмани амалга оширди. Transfermarkt портали Мартинеллининг қийматини 45 миллион еврога баҳоламоқда.