Аввалроқ "Манчестер Юнайтед" "Аталанта" ярим ҳимоячиси Эдерсонни сотиб олишдан воз кечгани маълум бўлганди. ОАВ маълумотларига кўра, клуб раҳбариятини ўйинчининг тиббий кўрик натижалари қониқтирмаган.
Бироқ инсайдер Бен Жейкобс "қизил иблислар" Эдерсон номзодига қайтиши мумкинлигини эълон қилди. "Манчестер Юнайтед" ёзги трансферлар ойнасида музокараларни қайта бошлаш имкониятини истисно этмаяпти.
Аммо инглиз гранди нархни туширишни талаб қилади. Аввалроқ "МЮ" ва "Аталанта" Эдерсоннинг трансферини 45 млн еврога келишиб олган эди.
