Пау Торрес "Астон Вилла" билан тузилган шартномаси муддати тугаганидан сўнг "Вильярреал"га қайтиш ниятида.

"Агар ҳеч нарса ўзгармаса, ўйлайманки, шартномамда қолган икки йилни якунлайман ва шу билан "Астон Вилла"даги босқичим ниҳоясига етади. "Вильярреал" мен учун бир евро ҳам тўламаслигини, эркин агент сифатида қайтишни истардим. Бу бутун ҳаётим давомида мени тарбиялаган клуб ва улар менинг трансферим учун пул сарфлашларини истамайман.

Агар ўша вақтда жамоада ишлайдиган мураббий мен жамоага фойда келтира олишимни ҳисобласа, катта мамнуният билан қайтаман. Бу мен ўйлаб юрган ва Фернандо Роч ( "Вильярреал" президенти) билан ҳам бир неча бор гаплашган мавзу", – деди Торрес La Otra Grada подкастида.

29 ёшли ҳимоячининг "Астон Вилла" билан тузган шартномаси 2028 йилда ўз ниҳоясига етади.