"Барселона"га "Ан-Наср"нинг колумбиялик ҳужумчиси Жон Дуранни ўз сафига қўшиб олиш таклиф этилди. Футболчи ўтган мавсумнинг иккинчи қисмини "Зенит"да ижара асосида ўтказган эди.
Diario SPORT хабарига кўра, "Барселона" спорт директори Декуга 22 ёшли Дуранни кейинчалик сотиб олиш ҳуқуқи билан ижарага олиш таклиф қилинган. Клуб бу имкониятни истисно этмаяпти, бироқ "Атлетико" ҳужумчиси Хулиан Альварес ҳалигача устувор мақсад бўлиб қолмоқда.
Таъкидланишича, Дуран аввалроқ Туркияга кўчиб ўтишга яқин турган бўлса-да, ҳозирча "Галатасарой" билан келиша олмаяпти. Айни дамда ҳужумчи учун асосий даъвогар сифатида "Бенфика" кўрилмоқда.
"Зенит" таркибида Дуран тўққизта учрашувда иштирок этиб, пенальтидан иккита гол урган.
