«Ливерпуль» ярим ҳимоячиси Доминик Собослаи клуб билан янги узоқ муддатли шартнома имзолади. Шартноманинг аниқ муддати ошкор қилинмаган, аммо BBC маълумотларига кўра, келишув 5 йилга мўлжалланган.

Бўлажак мавсум 25 ёшли Собослаи учун 2023 йил ёзида «РБ Лейпциг»дан ўтганидан кейин «Ливерпуль» таркибидаги тўртинчи, бош мураббий Андони Ираола қўл остидаги эса биринчиси бўлади.

«Бу менинг футбол ҳаётимдаги энг яхши учта воқеадан бири. Бундан юқори турадиган фақат иккита ҳолат бор — «Ливерпуль» билан [илк] шартнома имзолаганим ва фарзандимнинг дунёга келиши», — деди Собослаи клуб расмий сайтига.

«Мен жуда бахтиёрман. Яна майдонга чиқишни ва ишлашни давом эттиришни сабрсизлик билан кутяпман. Мен шунчаки бу ерда бўлганимдан хурсандман, буни аввал ҳам кўп марта айтганман».

Ўтган мавсум венгриялик футболчи учун «Ливерпуль»даги шахсий статистика бўйича энг яхшиси бўлди: у 53 та ўйинда 13 та гол урди ва 12 та голли узатмани амалга оширди.