«Бавария» Мадриднинг «Реал» клубига ўтиши билан фаол боғланаётган Майкл Олисени жамоада сақлаб қолишга қатъий бел боғлаган.
Тарқалган маълумотларга кўра, 24 ёшли футболчи жорий трансфер ойнасида «қироллик клуби»га ўтишни истамоқда ва бу ҳақда Франция терма жамоасидаги шерикларига ҳам айтган. Шунга қарамай, «Бавария» ўз юлдузини сотиш ниятида эмас. Bild маълумотига кўра, мюнхенликлар раҳбарияти Олисега йилига 25 миллион евродан ортиқ маош тўланадиган янги шартнома таклиф қилмоқчи. Бу франциялик футболчини жамоадаги энг кўп маош олувчи ўйинчилардан бирига айлантиради.
Майкл Олисенинг Transfermarkt порталидаги тахминий қиймати – 150 миллион евро.
