«Барселона» сафида тўп сурган таниқли собиқ испан ҳимоячиси Херард Пике 19 ёшли Ламин Ямал ҳақида ўз фикрлари билан ўртоқлашди.
Эртага, 19 июль куни Испания терма жамоасининг қанот ҳужумчиси 2026 йилги Жаҳон чемпионати финалида майдонга тушади. «Қизил фурия» Аргентина терма жамоасига қарши баҳс олиб боради.
«19 ёшли йигит учун бундай улкан босим остида барчасига дош бериш қийин бўлиши мумкин, аммо мен Ламин бу борада қийналяпти деб ўйламайман. Аксинча, менимча, унга бу ёқади. Менимча, у ўзига хос ва бетакрор иқтидор соҳиби. Келинг, якшанба куни у Жаҳон чемпиони бўлишига умид қиламиз», - дея Пикедан иқтибос келтиради ESPN.
Шимолий Америкада ўтаётган мундиалда «Барселона»нинг ёш вингери еттита ўйинда майдонга тушиб, ўз ҳисобига битта гол ёздириб қўйди.
