Қанот ҳужумчиси Брэдли Баркола катта эҳтимол билан шу ёзда жамоани тарк этади.

Инсайдер Экрем Конурнинг хабар беришича, парижликлар ўз футболчисини камида 70 миллион еврога сотишларига ишонишмоқда. Французнинг хизматлари аллақачон «Арсенал», «Ливерпуль», «Манчестер Сити», «Манчестер Юнайтед» ва «Барселона» клубларига таклиф қилинган. Бироқ айни дамда Баркола учун курашда «Бавария» фаворит бўлиб турибди.

2025/26 йилги мавсумда вингер барча турнирларда 49 та ўйинда майдонга тушиб, 13 та гол урди. Бундан ташқари, 23 ёшли француз ўз ҳисобига еттита голли узатмани ёздириб қўйган.

Барколанинг Франция чемпиони билан амалдаги шартномаси 2028 йилнинг ўрталарига қадар мўлжалланган.