«Манчестер Сити» ярим ҳимоячиси Фил Фоден фаолиятини Испанияда давом эттириши мумкин.
Экрем Конурнинг хабарига кўра, инглиз футболчисини сотиб олишга «Барселона» қизиқиш билдирмоқда. Каталония клуби хавбекнинг «Манчестер Сити»даги ноаниқ келажагини уни арзонроқ нархга қўлга киритиш имконияти сифатида кўриб чиқмоқда. Шу билан бирга, футболчига «Милан» ҳам даъвогарлик қилмоқда. Таъкидланишича, 2025 йилда «шаҳарликлар» Фоденни 130 миллион еврога «Ан-Наср»га сотишдан бош тортган эди.
Фил Фоден «Манчестер Сити» тарбияланувчиси ҳисобланади. Унинг шартномаси 2027 йилнинг 30 июнига қадар мўлжалланган. 2025/26 йилги мавсумда ярим ҳимоячи «шаҳарликлар» сафида барча турнирларда 50 та ўйин ўтказиб, ўнта гол урди ва еттита голли узатмани амалга оширди.
