27 ёшли португалиялик ҳужумчи Рафаэль Леау ёзги трансфер ойнасида «Милан»дан кетишга умид қилмоқда, аммо ҳозирча клуб форвард бўйича биронта ҳам аниқ таклиф олгани йўқ. Бу ҳақда Gazzetta dello Sport нашри ёзмоқда.
Таъкидланишича, Леаунинг хизматларига учта жамоа қизиқиш билдирмоқда. «Барселона» ва «Манчестер Юнайтед» агентлар орқали футболчи ҳақида маълумот сўрашган. Ҳужумчини сотиб олиш вариантини «Астон Вилла» ҳам кўриб чиқмоқда.
Инсайдерларнинг маълумотига кўра, «Милан» Леау учун 50-60 миллион евро олишни мўлжалламоқда. Португалиялик футболчининг амалдаги шартномаси 2028 йилнинг ёзигача мўлжалланган.
