27 yoshli portugaliyalik hujumchi Rafael Leau yozgi transfer oynasida «Milan»dan ketishga umid qilmoqda, ammo hozircha klub forvard bo‘yicha bironta ham aniq taklif olgani yo‘q. Bu haqda Gazzetta dello Sport nashri yozmoqda.

Ta’kidlanishicha, Leauning xizmatlariga uchta jamoa qiziqish bildirmoqda. «Barselona» va «Manchester Yunayted» agentlar orqali futbolchi haqida ma’lumot so‘rashgan. Hujumchini sotib olish variantini «Aston Villa» ham ko‘rib chiqmoqda.

Insayderlarning ma’lumotiga ko‘ra, «Milan» Leau uchun 50-60 million yevro olishni mo‘ljallamoqda. Portugaliyalik futbolchining amaldagi shartnomasi 2028 yilning yozigacha mo‘ljallangan.