«Челси» клубининг афсонавий собиқ ҳимоячиси Жон Терри ҳужумкор ярим ҳимоячи Морган Рожерснинг трансфери ҳақида ўз фикрлари билан ўртоқлашди. «Кўклар» «Астон Вилла»нинг 23 ёшли футболчисини тахминан 138 миллион еврога сотиб олиш арафасида турибди.

«Рожерс Чемпионлар лигасида ғолиб чиқиш салоҳияти ва бу турнирда ғалаба қозониш тарихига эга бўлган клубга қўшилмоқда. У айнан шунинг учун ҳам Лондоннинг қизил қисмини [«Арсенал»ни] эмас, бизни танлади. Унинг бундай танлов қилганидан хурсандман. Уни жамоага янгилик олиб киришга қодир яхши футболчи деб биламан», — деган Террининг сўзларини келтиради The Touchline нашри.

«Канонирлар» узоқ вақт давомида «Вилла» юлдузи учун асосий даъвогар сифатида кўрилган эди, бироқ якунда улар «Челси»га қарши курашда имкониятни бой беришди.