Португалия терма жамоасининг собиқ бош мураббийи Фернанду Сантуш «Реал»нинг янги аъзоси Бернарду Силва жамоа етакчиларидан бирига айланишига ишонч билдирди.
«Унинг футболчи сифатида қанчалик иқтидорли эканини ҳамма билади. Бернарду футболни дунёдаги жуда кам сонли ўйинчилар тушуна оладиган даражада англайди. Инсон сифатида эса у бундан кам эмас — эътиборли, одобли ва ҳамиша ёрдамга тайёр.
Ишончим комилки, «Реал» мухлислари Бернарду Силвани яхши кўриб қолишади. У уларни ранжитмайди ва билдирилган ишончни оқлайди. У ажойиб ўйинчи ва буни Мадридда албатта исботлайди», — деди Сантуш Diario AS нашрига берган интервьюсида.
Сўнгги 9 йил давомида Бернарду Силва «Манчестер Сити» шарафини ҳимоя қилди ва клубни эркин агент сифатида тарк этди.
