Бугун «Андижон» жамоамиз Суперлиганинг 13-тури доирасида Тошкентда «Локомотив»га қарши майдонга тушади.

«Бургутлар»нинг «Темирйўлчилар»га қарши ўйинлар статистикаси шундайки, жамоалар чемпионатда ҳозирга қадар 28 маротаба беллашишган. «Андижон»да 5, «Локомотив»да 19 ғалаба мавжуд. 4 та ўйинда кучлар тенг келиб қолган. Тўплар нисбати 28:55 «Локо» фойдасига.

Бу жамоалар охирги марта 2024 йили тўқнашишган. Аввалига биринчи даврада Тошкентда бўлиб ўтган баҳсда «Андижон» 2:1 ҳисобида ғалаба қозониб қайтган. Голларга "темирйўлчилар"дан Ислом Маматказин ва Шаҳром Самиев муаллифлик қилган. Рақиб жамоадан Сардор Абдунабиев тўп киритган.

Иккинчи даврада Андижонда ўтказилган учрашувда эса 2:1 ҳисобида меҳмонларнинг қўли баланд келган.

2025 йилги мавсумда эса бу клублар майдонда рақиб сифатида дуч келишгани йўқ. Боиси, «Локомотив» Про лигада иштирок этди ва бу йилдан яна Суперлигага қайтди.

«Локомотив» – «Андижон» ўртасидаги ўйин бугун, соат 20:00 да бошланади.