«Барселона» вингери Рафинья Диас «Ал-Ҳилол»га ўтмайди. Саудия Арабистони клуби «Вест Хэм» аъзоси Крисенсио Саммервиллни ўз сафига қўшиб олишга яқин турибди, шу сабабли «кўк-анорранглилар» юлдузи учун кечаётган курашдан чиқди, деб хабар беради Diario Sport. Бундан ташқари, аввалроқ бразилиялик футболчининг ўзи ҳам «Ал-Ҳилол» таклифини рад этган эди.
Рафиньянинг ҳозирги нархи Transfermarkt портали томонидан 70 миллион еврога баҳоланмоқда. 29 ёшли футболчининг Каталония гранди билан меҳнат шартномаси 2028 йилнинг ўрталаригача мўлжалланган.
Ўтган мавсумда Рафинья Ханс-Дитер Флик жамоаси сафида ўтказилган 33 та ўйинда 21 та гол урди ва 8 та голли узатмага муаллифлик қилди.
